అశ్లీల వీడియోలు చూసి.. 8 ఏళ్ల బాలికపై బాలల అత్యాచారం!

Tuesday, July 17th, 2018, 11:28:31 AM IST

అశ్లీల చిత్రాలు పిల్లలపై ఎలాంటి ప్రభావాన్ని చూపుతాయో ఇటీవల ఒక ఘటన ఉదాహరణంగా నిలిచింది. పదేళ్లు కూడా లేని బాలికపై సాముహిక అత్యచారం జరపడం అందరిని షాక్ కి గురి చేసింది. తీవ్ర కలకలం సృష్టించిన ఈ ఘటన డెహ్రాడూన్‌ లోని సాహస్‌పూర్‌లో చోటుచేసుకుంది. గురువారం జరిగిన ఈ ఘటన గురించి పోలీసులకు శుక్రవారం ఫిర్యాదు అందింది. అసలు వివరాల్లోకి వెళితే.. 9 నుంచి 14 ఏళ్ల మధ్యలో వయసున్న అయిదుగురు బాలలు మొబైల్ లో రెండు రోజుల పాటు పోర్న్ వీడియోలు చూసి 8 ఏళ్ల బాలికపై చెడుగా ప్రవర్తించారు.

ప్లాన్ ప్రకారం ఆడుకుందామని చెప్పి బాలికను ఓ స్నేహితుడి ఇంట్లోకి తీసుకెళ్లారు. అందరూ కలిసి బాలికపై సామూహిక అత్యాచారానికి పాల్పడ్డారు. ఒకరోజు తరువాత వెలుగులోకి వచ్చిన ఈ ఘటనపై పోలీసులు వెంటనే పోక్సో చట్టం కింద కేసు నమోదు చేసి బాలలను అదుపులోకి తీసుకున్నారు. రెండు రోజులు నిరంతరంగా పోర్న్ వీడియోలు చూసి ప్లాన్ ప్రకారమే బాలికపై అత్యచారం చేసినట్లు ఒక బాలుడు తెలిపినట్లు సాహస్‌పూర్ పోలీస్ స్టేషన్ ఇన్‌చార్జ్ నరేశ్ వివరిస్తూ.. జువైనల్ కోర్టులో వారిని ప్రవేశపెట్టినట్టు తెలిపారు.